जीवघेण्या सावकारी पाशातून सामान्य माणसाचा गळा मोकळा करुन त्याला निरामय श्वास घेण्याचे सुख देण्याचे स्वप्न मनाशी बाळगून काही सेवा भावी व्यक्ती,गावातील शेतकरी व कामगार यांना सोबत घेऊन मा. ज्ञानदेव विठोबा पाटील(अण्णा) व त्यांचे सहकारी यांनी पलूस सहकारी बँकेची स्थापना २४ फेब्रुवारी १९६६ रोजी केली.

संचालक मंडळाने गावामध्ये जागृती निर्माण केली.ठेवी जमा केल्या जिव्हाळा निर्माण केला. बँकेचे महत्त्व लोकांना पटवून दिले .त्यामुळे चांगलीच जनजागृती झाली. लोकांना बँकेबद्दल आदर वाटू लागला.ठेवीचे फ़ायदे कळू लागले.त्यामुळे कर्ज वाटपातील अडथळे बरेचसे दूर झाले पैशाचा व्यवहार म्हटल्यावर फार मोठा विश्वास संपादन करावा लागतो. तो विश्वास बँकेने निर्माण केला. दोन हजार रुपये कर्ज म्हणजे खूप अशी अवस्था असलेल्या बँकेने आज ३०० हुन अधिक कोटी रकमेचे कर्ज वाटप केले आहे.तसेच ४०० हुन अधिक कोटी रकमेच्या ठेवी आज बँकेमध्ये आहेत

१९६९ साली सुरवातीला बँकेचे  कार्यक्षेत्र  ५ मैल  होते ,ते वाढले १६  कि. मी  परिसरात  पलूस , सावंतपूर,आमणापूर,बांबवडे असे विकसित  झाले व  आज बँकेचे  १५ शाखा  व संपूर्ण  महाराष्ट्र इतके  कार्यक्षेत्र  आहे .सुरवातीला बँक चालू करताना भाड्याची  इमारत  घेवून  जागेचा प्रश्न  सोडविला अंतर्गत  प्रशासकीय  कामासाठी सांगली जिल्हा मध्यवर्ती सहकारी बॅंकेकडील एजेंट श्री. डी . के . जमदाडे  साहेब यांना परमसेवा  म्हणून आणले व बँकेचे कामकाज  सुरु  केले .बँक सन १९६६ ते  १९८५  पर्यंत भाडयाने  इमारतीत  काम करीत होती. बँकेला स्वता:ची  इमारत असावी  म्हणून  संचालक मंडळाने  सन १९८६ मध्ये स्वत:च्या  मालकीची  भव्य  इमारत  उभी  केली. इमारत बांधकामकालीन संचालक  मंडळाने  त्यावेळी  अत्यंत परिश्रम  केले.सन १९७२ साली देशात भीषण  दुष्काळ  पडला. त्यावेळी  दुष्काळ  निवारण  करण्यासाठी  शासन  सर्व उपाय योजना राबवित  होती.  कितीही  मदत उपलब्ध  झाली तरी लोकांच्या प्राथमिक  गरजा संपत नव्हत्या.